பிரபல பாலிவுட் நடிகர் அஜய் தேவ்கனின் தந்தை காலமானார்!

பிரபல பாலிவுட் நடிகர் அஜய் தேவ்கனின் தந்தை வீரு தேவ்கன் இன்று காலமானார்.

உடல்நலக்குறைவு காரணமாக மும்பையில் உள்ள தனியார் மருத்துவமனையில் அவர் அனுமதிக்கப்பட்டிருந்தார். இந்நிலையில் சிகிச்சை பலனின்றி இன்று காலமானார். அவருக்கு வீணா தேவ்கன் என்கிற மனைவியும் அஜய் தேவ்கன், அனில் தேவ்கன் என இரு மகன்களும் நீலம், கவிதா என இரு மகள்களும் உள்ளார்கள். 

1941-ல் பஞ்சாப்பில் பிறந்த வீரு தேவ்கன், 80-க்கும் மேற்பட்ட ஹிந்திப் படங்களுக்கு ஸ்டண்ட் மாஸ்டராகப் பணியாற்றியுள்ளார். 1999-ல் ஹிந்துஸ்தான் கி கசம் என்கிற படத்தைத் தயாரித்து, இயக்கினார். அதில் அஜய் தேவ்கன், அமிதாப் பச்சன், மனீஷா கொய்ராலா, சுஷ்மிதா சென் போன்றோர் நடித்திருந்தார்கள். சில படங்களிலும் நடித்துள்ளார் வீரு தேவ்கன். 

வீரு தேவ்கனின் மறைவுக்குப் பாலிவுட் பிரபலங்கள் இரங்கல் தெரிவித்துள்ளார்கள்.