விக்ரம் படத்தில் நடிகராக அறிமுகமாகும் கிரிக்கெட் வீரர் இர்ஃபான் பதான்!

இந்திய அணியில் குறுகிய காலம் ஆல்ரவுண்டராகக் கலக்கிய கிரிக்கெட் வீரர் இர்ஃபான் பதான், தமிழ்ப் படம் மூலமாக நடிகராக அறிமுகமாகிறார். 

டிமாண்டி காலனி, இமைக்கா நொடிகள் படங்களுக்கு அடுத்ததாக விக்ரம் நடிக்கும் படத்தை இயக்குகிறார் அஜய் ஞானமுத்து.

அடுத்த வருட ஏப்ரல் மாதம் வெளியாகவுள்ள இப்படத்துக்கு ஏ.ஆர். ரஹ்மான் இசையமைக்கிறார். இந்நிலையில் இப்படத்தில் கிரிக்கெட் வீரர் இர்ஃபான் பதான் நடிப்பது குறித்த தகவல் அதிகாரபூர்வமாக வெளியிடப்பட்டுள்ளது. அவர் நடிக்கும் முதல் படம் இது. 

சந்தானம் நடிக்கும் டிக்கிலோனா படத்தில் ஹர்பஜன் சிங் நடிக்கவுள்ள நிலையில் மற்றொரு கிரிக்கெட் வீரரான இர்ஃபான் பதான், விக்ரம் நடிக்கும் படத்தில் நடிக்கவுள்ளார்.