ஜி.வி. பிரகாஷ் - சைந்தவி ஆகிய இருவரும் 2013-ல் காதல் திருமணம் செய்துகொண்டார்கள். சைந்தவிக்குக் கடந்த ஏப்ரல் மாதம் பெண் குழந்தை பிறந்தது. 

வெயில் படத்தின் மூலம் இசையமைப்பாளராகவும் டார்லிங் படத்தின் மூலம் கதாநாயகனாகவும் திரையுலகில் அறிமுகமானார் ஜி.வி. பிரகாஷ். சூர்யா நடிப்பில் அடுத்து அமேசான் பிரைம் ஓடிடி தளத்தில் வெளியாகவுள்ள சூரரைப் போற்று படத்துக்கு இசையமைத்துள்ளார். அந்நியன் படத்தின் மூலம் பின்னணிப் பாடகியாக அறிமுகமானார் சைந்தவி. சமீபத்தில் வெளிவந்த அசுரன் படத்தில் எள்ளு வய பூக்கலையே என்கிற பிரபலப் பாடலைப் பாடினார் சைந்தவி.

இந்நிலையில் தங்கள் குழந்தைக்கு அன்வி என்று ஜி.வி. பிரகாஷும் சைந்தவியும் பெயர் சூட்டியுள்ளார்கள். மேலும் குழந்தையின் புகைப்படத்தையும் சமூகவலைத்தளங்களில் இருவரும் வெளியிட்டுள்ளார்கள்.