வெயில் படத்தில் இசையமைப்பாளராகத் தன்னுடைய திரைப் பயணத்தை ஆரம்பித்த ஜி.வி. பிரகாஷ், 75-வது படத்தை நெருங்கியுள்ளார்.

அசுரன் படத்துக்குப் பிறகு தாணு தயாரிப்பில் சூர்யா நடிக்கும் படத்தை இயக்குகிறார் வெற்றிமாறன். இது சூர்யா நடிக்கும் 40-வது படம்.

இந்தப் படத்துக்கு இசையமைக்கிறார் ஜி.வி. பிரகாஷ். இது ஜி.வி. இசையமைக்கும் 75-வது படம். இந்தத் தகவலை ட்விட்டரில் அவர் பகிர்ந்துள்ளார். கடந்த சில ஆண்டுகளாக நடிப்பில் கவனம் செலுத்தி வரும் ஜி.வி. தற்போது சூரரைப் போற்று, வெற்றிமாறன் - சூர்யா படம் என இரு பெரிய படங்களுக்கு இசையமைக்கிறார்.