பிரபல இயக்குநர் கார்த்திக் சுப்புராஜ் தயாரிப்பில் உருவாகும் படத்தில் நடிக்கிறார் ஐஸ்வர்யா ராஜேஷ்.

கதாநாயகிக்கு முக்கியத்துவம் இந்தப் படத்தின் முதல் தோற்ற போஸ்டர் இன்று வெளியிடப்பட்டுள்ளது. ஐஸ்வர்யா ராஜேஷ் நடிக்கும் 25-வது படத்துக்கு பூமிகா எனப் பெயரிடப்பட்டுள்ளது. 

2010-ல் நீதானா அவன் படம் மூலமாகத் தமிழ்த் திரையுலகில் அறிமுகமானவர், ஐஸ்வர்யா ராஜேஷ். 2015-ல் வெளியான காக்கா முட்டை படம் பெரிய திருப்புமுனையாக அமைந்தது. அதன்பிறகு ஒவ்வொரு வருடம் ஏராளமான படங்களில் நடித்து வருகிறார்.

இப்படத்தை ரதிந்திரன் இயக்குகிறார். ஒளிப்பதிவு - ராபர்ட், இசை - ப்ரித்வி சந்திரசேகர். இதற்கு முன்பு அஸ்வின், ஐஸ்வர்யா ராஜேஷ் நடிப்பில் இது வேதாளம் சொல்லும் கதை என்கிற படத்தை ரதிந்திரன் இயக்கியுள்ளார். 

பூமிகா படத்தின் முதல் தோற்ற போஸ்டரைச் சமூகவலைத்தளங்களில் ஜெயம் ரவியும் தமன்னாவும் வெளியிட்டுள்ளார்கள்.