சிவகார்த்திகேயனின் டான் எப்பொழுது வெளியாகிறது தெரியுமா ?

டாக்டர் படத்தின் வெற்றிக்கு பிறகு சிவகார்த்திகேயன் நடித்துள்ள டான் படத்தின் படப்பிடிப்பு பணிகள் அனைத்தும் முடிவடைந்துள்ளதாக தயாரிப்பு நிறுவனமான சிவகார்த்திகேயன் புரொடக்சன்ஸ் நிறுவனம் அறிவித்துள்ளது. 

சிபி சக்கரவர்த்தி இந்தப் படத்தை இயக்கியுள்ளார். இந்தப் படத்தில் சிவகார்த்திகேயனுக்கு ஜோடியாக பிரியங்கா மோகன் நடிக்க, எஸ்.ஜே.சூர்யா, சமுத்திரக்கனி, சிவாங்கி, ஆர்ஜே விஜய், பால சரவணன் உள்ளிட்ட பலர் முக்கிய வேடங்களில் நடித்துள்ளனர். கல்லூரி பின்னணியில் இந்தப் படம் உருவாகியுள்ளது. 

இந்தப் படத்தின் வெளியீடு குறித்து தினமணிக்கு தகவல் கிடைத்துள்ளது. இந்தப் படம் வருகிற பிப்ரவரி மாதம் காதலர் தினத்தை முன்னிட்டு திரைக்கு வரவிருக்கிறது. தற்போது இந்தப் படத்தின் இறுதிகட்ட பணிகள் தற்போது விறுவிறுப்பாக நடைபெற்று வருகிறது.