விஜய் பாணியில் ஸ்டைலாக வாழ்த்து: விடியோ வெளியிட்ட மாளவிகா

நடிகை மாளவிகா மோகனன், விஜய் பிறந்தநாளுக்கு அவரது பாணியிலேயே ஸ்டைலாக வாழ்த்து தெரிவித்துள்ளார்.

நடிகர் விஜய் தனது 47-வது பிறந்தநாளை இன்று (செவ்வாய்க்கிழமை) கொண்டாடுகிறார். அவரது 65-வது படமான பீஸ்ட் படத்தின் முதல் பார்வை போஸ்டர் மற்றும் இரண்டாவது பார்வை போஸ்டர்களை சன் பிக்சர்ஸ் தயாரிப்பு நிறுவனம் வெளியிட்டது.

இதையடுத்து, விஜய் பிறந்தநாளை ரசிகர்கள் தீயாய் கொண்டாடத் தொடங்கினர். தமிழ் நட்சத்திரங்கள், மலையாள நட்சத்திரங்கள் என விஜய்-க்கு வாழ்த்துகள் குவிந்து வருகின்றன.

இந்த வரிசையில் நடிகை மாளவிகா மோகனனும் இணைந்துள்ளார். மாஸ்டர் படத்தின் ஜேடி கதாபாத்திர பாணியில் அவரைப் போலவே ஸ்டைலாக மாறி வாழ்த்து தெரிவித்துள்ளார். இதன் விடியோவை அவர் தனது இன்ஸ்டாகிராம் பக்கத்தில் வெளியிட்டுள்ளார்.

மாஸ்டர் படத்தில் விஜய் ஜோடியாக மாளவிகா மோகனன் நடித்தது குறிப்பிடத்தக்கது.