குக் வித் கோமாளி அடுத்த சீசன் வருகிற நவம்பர் மாதம் துவங்கும் என தகவல் வெளியாகியுள்ளது.

குக் வித் கோமாளி நிகழ்ச்சி முதல் சீசனை விட இரண்டாவது சீசன் மாபெரும் வரவேற்பைப் பெற்றது. இந்த நிகழ்ச்சியின் வெற்றிக்கு இந்த நிகழ்ச்சியில் கலந்துகொண்டவர்களுக்கு திரைப்பட வாய்ப்புகள் குவிந்து வருவதே சான்று.

அந்த வகையில் இந்த நிகழ்ச்சியில் கலந்துகொண்ட அஸ்வின் மற்றும் புகழ் ஆகியோர் என்ன சொல்ல போகிறாய் படத்தில் நடித்து வருகின்றனர். இந்த நிகழ்ச்சியில் கோமாளியாக கலந்துகொண்ட பாடகி ஷிவாங்கி, சிவகார்த்தியேனுடன் இணைந்து டான் படத்தில் நடித்து வருகிறார். 

இந்த நிகழ்ச்சியில் கலந்துகொண்ட பவித்ரா, சதிஷுக்கு ஜோடியாக நாய் சேகர் படத்தில் நடித்து வருகிறார். மேலும் தர்ஷா குப்தா தற்போது ருத்ர தாண்டவம் படத்தில் நடித்து வருகிறார். மேலும் மதுரை முத்து, தீபா போன்றவர்களும் திரைப்படங்களில் நடித்து வருகின்றனர். 

இதனையடுத்து இந்த நிகழ்ச்சியின் அடுத்த சீசன் எப்பொழுது துவங்கும் என்று ரசிகர்களிடேய எதிர்பார்ப்பு எழுந்தது. இந்த நிலையில் அடுத்த சீசன் வருகிற நவம்பர் முதல் துவங்கும் என்று தகவல் வெளியாகியுள்ளது. மூன்றாவது சீசனில் கலந்துகொள்ளும் போட்டியாளர்கள் குறித்த தேர்வு தற்போது நடைபெற்று வருவதாக கூறப்படுகிறது.