நடிகை குஷ்பு மருத்துவமனையில் அனுமதிக்கப்பட்டுள்ளதாக புகைப்படம் பகிர்ந்துள்ளார்.
நடிகை குஷ்பு பாஜகவில் இணைந்து தீவிர அரசியலில் ஈடுபட்டுவருகிறார். மேலும் கலர்ஸ் தொலைக்காட்சியில் ஒளிபரப்பாகும் மீரா என்ற தொடரில் முதன்மை வேடத்தில் நடித்துவருகிறார்.
குஷ்புவின் மீரா தொடருக்கு ரசிகர்களிடையே நல்ல வரவேற்பு கிடைத்துவருகிறது. மேலும் தனது அவ்னி சினி கிரியேஷன்ஸ் சார்பாக திரைப்படங்களையும் தயாரித்துவருகிறார். சுந்தர்.சி மற்றும் ஜெய் இணைந்து நடித்துள்ள பட்டாம்பூச்சி என்ற படத்தை தயாரித்துவருகிறார்.
இந்த நிலையில் நடிகை குஷ்பு தனது இன்ஸ்டாகிராம் பக்கத்தில் மருத்துவமைனையில் சிகிச்சைபெறும் படத்தை பகிர்ந்து தான் குணமாகிவருவதாக குறிப்பிட்டுள்ளார். ஆனால் எதனால் அவர் மருத்துவமனையில் சிகிச்சைபெறுகிறார் என்பதை தெரிவிக்கவில்லை. இதனையடுத்து அவர் விரைவில் குணமடைய பிரபலங்கள் மற்றும் ரசிகர்கள் வாழ்த்து தெரிவித்துவருகின்றனர்.