ஆஸ்கர் விருதின் இறுதிப் பட்டியலுக்கு ஆர்ஆர்ஆர் படத்தின் நாட்டுக் கூத்து பாடல் தேர்வாகியுள்ளது.

95-ஆவது ஆஸ்கா் விழா 2023-ஆம் ஆண்டு மாா்ச் 12-ஆம் தேதி அமெரிக்காவின் லாஸ் ஏஞ்சலீஸ் நகரில் நடைபெறவுள்ளது.

இயக்குநா் எஸ்.எஸ்.ராஜமெளலி இயக்கத்தில் வெளியான ‘ஆா்ஆா்ஆா்’ திரைப்படம் கடந்த மாா்ச் மாதம் தெலுங்கு, தமிழ், ஹிந்தி மொழிகளில் வெளியானது. நடிகா்கள் ராம்சரண், ஜூனியா் என்டிஆா் உள்ளிட்டோா் நடிப்பில் வெளியான இந்தத் திரைப்படம், மிகப் பெரிய வெற்றி பெற்றது. அத்துடன் உலக அளவில் ரூ.1,000 கோடிக்கும் அதிகமாக வசூலித்து சாதனை படைத்தது.

இதையும் படிக்க | 2 ஆண்டுகளுக்கு பிறகு பிரமாண்ட மேடையில் விஜய்! தமனுடன் அனிருத் இசை

இந்தத் திரைப்படம் ஆஸ்கா் விருதுக்கான பல்வேறு பிரிவுகளில் விண்ணப்பித்திருந்த நிலையில், ‘ஒரிஜினல் பாடல்’ என்ற விருதின் பிரிவில் 15 பாடல்களில் ஒன்றாக நாட்டுக் கூத்து பாடலும் இறுதிப் பட்டியலுக்கு தேர்வாகியுள்ளது.

அதேபோல், சிறந்த வெளிநாட்டு படங்களுக்கான நாமினேஷனில் இந்தியாவிலிருந்து அனுப்பப்பட்ட குஜராத்தி படமான ‘செல்லோ ஷோ’ இடம்பெற்றுள்ளது.