விஜய் தொலைக்காட்சியில் ஒளிபரப்பாகும் பாண்டியன் ஸ்டோர்ஸ் நிகழ்ச்சிக்கென தனி ரசிகர் கூட்டமே இருக்கிறது. நான்கு அண்ணன் தம்பிகளின் வாழ்வில் நடக்கும்  பாசப்போராட்டம் என்ற எளிய கதையாக இருந்தாலும், உணர்வுப்பூர்வமான காட்சிகள், சுவாரசியமான திருப்பங்கள் என ரசிகர்களை மகிழ்வித்து வருகிறது. 

இந்தத் தொடரில் முல்லை - கதிர் ஜோடிக்கு பிறகு ரசிகர்களைக கவர்ந்தது மீனா - ஜீவா ஜோடி தான். மீனா என்கின்ற வேடத்தில் ஹேமா ராஜ்குமார் நடித்து வருகிறார்.  செய்திவாசிப்பாளராக இருந்த ஹேமா, பாண்டியன் ஸ்டோர்ஸ் மூலம் நடிகையாக கலக்கி வருகிறார். 

இதையும் படிக்க | நடிகராக அறிமுகமாகவிருக்கும் இயக்குநர் ஷங்கரின் மகன்

சதிஷ் என்பவரை திருமணம் செய்துகொண்டிருந்த ஹேமாவுக்கு ஒரு குழந்தையும் உள்ளது. தனது இன்ஸ்டாகிராம் பக்கத்தில் ஹேமா பதிவிடும் புகைப்படங்களுக்கு நல்ல வரவேற்பு இருந்து வருகிறது. 

இந்த நிலையில் நடிகை ஹேமா தனது இன்ஸ்டாகிராம் பக்கத்தில் சமீபத்தில் பகிர்ந்த விடியோ சமூக வலைதளங்களில் கலக்கி வருகிறது. நடிகர் சூர்யா நடித்துள்ள எதற்கும் துணிந்தவன் பட பாடலான சும்மா சுர்ருனு பாடலுக்கு தான் அவர் நடனமாடியுள்ளார். அவர் தனக்கே உரிய நளினத்துடன் அந்தப் பாடலுக்கு நடனமாடியுள்ளது ரசிகர்களை வெகுவாக கவர்ந்துள்ளது.