சாய் பல்லவி படத்தின் விடியோ பாடல் வெளியானது

சாய் பல்லவி ராணா நடித்த ‘விரத பர்வம்’ படத்தின் நாகதாரில்லோ எனும் விடியோ பாடல் ஒன்று வெளியாகியுள்ளது. 

90களில் தெலுங்கானா பகுதியில் நக்சல் இயக்கத்தில் நடந்த காதல் கதைதான் இப்படத்தின் மையமாக சொல்லப்படுகிறது. 

வேணு உதுகுலா இயக்கத்தில் சாய் பல்லவி, ராணா, பிரியாமணி, நந்திதா தாஸ், நவீன் சந்திரா, ஈஸ்வரி ராவ், தேவி பிரசாத், ஆனந்த் சக்ரபாணி ஆகிய ஏராளமானோர் நடித்துள்ள இப்படம் ஜூன்-17இல் வெளியாக இருக்கிறது. 

இப்பாடலின் வரிகளை த்யாவரி நரேந்தர் ரெட்டி , பரத்வாஜ் பட்ருது இணைந்து எழுதியுள்ளனர். லலித் தல்லூரியின் புல்லாங்குழலின் இசை பாடலுக்கு கிளாசிக் உணர்ச்சியை தருகிறது. சுரேஷ் போப்லியின் இந்தப் பாடல் இசை ரசிகர்கள் மத்தியில் நீண்ட நாள்களுக்கு நினைவு வைத்துக்கொள்ளப்படும்.