காடன் படத்துக்குப் பிறகு பிரபு சாலமன் இயக்கியுள்ள படம் - செம்பி.

2010-ல் பிரபு சாலமன் இயக்கிய மைனா படம் அவருக்குப் பெரிய புகழை அளித்தது. அதன்பிறகு கும்கி, கயல், தொடரி, காடன் போன்ற படங்களை இயக்கினார்.

அஸ்வின் குமார், கோவை சரளா, தம்பி ராமையா, நிலா போன்றோர் இப்படத்தில் நடித்துள்ளார்கள். இசை - நிவாஸ் கே பிரசன்னா, ஒளிப்பதிவு - ஜீவன். இப்படத்துக்குக் கதை, திரைக்கதை, வசனம், பாடல்கள், இயக்கம் - பிரபு சாலமன். 

இந்நிலையில் இந்தப் படத்தின் டிரெய்லரைப் பார்த்த கமல் ஹாசன், கோவை சரளாவைப் பாராட்டியுள்ளார். மேலும் தன்னை நேரில் சந்தித்த படக்குழுவினருக்கு அவர் வாழ்த்துகளைத் தெரிவித்தார்.