நடிகை மீனாவின் கணவருடைய உடலுக்கு நடிகர் ரஜினிகாந்த் நேரில் அஞ்சலி செலுத்தினார். 

நடிகை மீனாவின் கணவர் வித்யாசாகர் நுரையீரல் பாதிப்பு காரணமாக சென்னையிலுள்ள தனியார் மருத்துவமனையில் சிகிச்சைபெற்றுவந்தார். இந்த நிலையில் சிகிச்சை பலனளிக்காமல் செவ்வாய்கிழமை உயிரிழந்தார். அவருக்கு வயது 48. 

நடிகை மீனாவின் கணவரின் மரணம் திரையுலக பிரபலங்கள் மற்றும் ரசிகர்களை வெகுவாக பாதித்தது. இதனையடுத்து பல்வேறு பிரபலங்களும் சமூக வலைதளங்களில் இரங்கல் தெரிவித்தனர். 

நடிகை குஷ்பு தனது ட்விட்டர் பக்கத்தில் வெளியிட்டுள்ள இரங்கல் பதிவில், சற்று பொறுப்புடன் நடந்துகொள்ளுங்கள் என ஊடகத்தினரைக் கேட்டுக்கொள்கிறேன். மீனாவின் கணவர் 3 மாதங்களுக்கு முன்னர் கரோனாவால் பாதிக்கப்பட்டார். கரோனா அவரது நுரையீரலை வெகுவாக பாதித்தது. தயவுசெய்து அவர் கரோனாவால் இறந்ததாக தவறான தகவலை பரப்பி, மக்களை அச்சமுறுத்தாதீர்கள். நம் பாதுகாப்பாக இருக்க வேண்டும்தான் ஆனால் தயவுசெய்து அச்சமுறுத்தாதீர்கள்'' என்று கேட்டுக்கொண்டார்.

இதையும் படிக்க | ''தயவுசெஞ்சு இப்படி பண்ணாதீங்க'' - நடிகை மீனாவின் கணவர் மரணம் குறித்து குஷ்பு வேண்டுகோள்

இந்த நிலையில்  ரஜினிகாந்த் நடிகை மீனாவின் கணவர் வித்யாசாகரின் உடலுக்கு நேரில் அஞ்சலி செலுத்தினார். அவருடன் சரத்குமார், குஷ்பு, பிரபு தேவா உள்ளிட்டோரும் நேரில் அஞ்சலி செலுத்தினர்.