வெங்கட் பிரபு இயக்கத்தில் நடிகர் அசோக் செல்வன் நாயகனாக நடித்துள்ள படம் 'மன்மத லீலை'. இந்தப் படம் 'மாநாடு' படம் தாமதமானதால் அதன் நடுவில் இயக்கப்பட்டதாக  வெங்கட் பிரபு தெரிவித்திருந்தார். 

மன்மத லீலை திரைப்படம் வருகிற ஏப்ரல் 1 ஆம் தேதி திரைக்குவரவிருக்கிறது. இந்த நிலையில் இந்தப் படத்திலிருந்து பிரேம்ஜி இசையில் வா கணக்கு என்ற பாடல் வெளியாகியுள்ளது. இந்தப் பாடலை அனிருத் தனது ட்விட்டர் பக்கம் வாயிலாக வெளியிட்டுள்ளார். 

இதையும் படிக்க | 'நீ கவிதைகளா... ' : ஆதியுடன் நடைபெற்ற நிச்சயதார்த்த விடியோவை பகிர்ந்த நிக்கி கல்ராணி​

மன்மத லீலை படத்தில் சம்யுக்தா ஹெக்டே, ரியா சுமன், ஸ்மிருதி வெங்கட் ஆகியோர் நாயகிகளாக நடித்துள்ளனர். மணிவண்ணன் இந்தப் படத்தின் கதை, திரைக்கதையை எழுதியுள்ளார். இந்தப் படத்தின் டிரெய்லர் படத்தின் மீதான எதிர்பார்ப்பை அதிகரிக்க செய்துள்ளது.