நடிகை நயன்தாரா நடிப்பில் உருவாகியுள்ள ஓ2 திரைப்படத்தின் முதல்பாடல் நாளை காலை வெளியாக உள்ளது.
அறிமுக இயக்குனர் ஜி.எஸ். விக்னேஷ் இயக்கத்தில் நயன்தாரா, குழந்தை நட்சத்திரம் ரித்விக் ஆகியோர் முன்னணி கதாபாத்திரங்களாக நடைத்திருக்கும் படம் ஓ 2. திரில்லர் பாணியில் உருவாகியுள்ள இந்த திரைப்படத்திற்கு இசையமைப்பாளர் விஷால் சந்திரசேகர் இசையமைத்துள்ளார். ஏற்கெனவே மாயா, ஐரா ஆகிய திரில்லர் படங்களில் நடித்துள்ள நயன்தாரா தற்போது மீண்டும் திரில்லர் பாணி கதையில் நடித்துள்ளார்.
இதையும் படிக்க | ராஜா சின்ன ரோஜா படம் பற்றிய சுவாரசியமான தகவல்
இப்படத்தினை பிரபல தமிழ் திரைப்பட தயாரிப்பாளர் எஸ்.பிரபு மற்றும் எஸ்.ஆர்.பிரகாஷ் பாபு இணைந்து 'ட்ரீம் வாரீர் பிக்சர்ஸ்' மூலம் தயாரித்துள்ளனர். தமிழ் ஏ அழகன் ஒளிப்பதிவு செய்ய, செல்வா ஆர்.கே படத்தொகுப்பு செய்துள்ளார்.
இந்நிலையில் ஏற்கெனவே இந்தப் படத்தின் டீசர் வெளியாகி நல்ல வரவேற்பைப் பெற்ற நிலையில் இந்தத் திரைப்படத்தின் முதல் பாடல் நாளை காலை வெளியாகும் என படக்குழு அறிவித்துள்ளது.
இதையும் படிக்க | புதிய பட அறிவிப்பை வெளியிட்ட நடிகர் ஹிப்ஹாப் ஆதி
இத்திரைப்படம் 'டிஸ்னி பிளஸ் ஹாட்ஸ்டார்' ஓடிடி செயலியில் தமிழ், தெலுங்கு, மலையாளம், கன்னடம் ஆகியா நான்கு மொழிகளில் நேரடியாக வெளியாகவுள்ளது.