நடிகர் கமல்ஹாசன் நடிகர் விஜயுடன் இணைந்து நடிப்பது எப்போது என்ற கேள்விக்கு கமல் பதிலளித்துள்ளார். 

லோகேஷ் கனகராஜ் இயக்கத்தில் கமல்ஹாசன் நடித்து ஜுன் 3ஆம் தேதி வெளிவரவிருக்கும் படம் ‘விக்ரம்’. இதில் விஜய் சேதுபதி, பகத் பாசில், சூர்யா உள்ளிட்ட ஏராளமான சினிமா நட்சத்திரங்கள் நடித்துள்ளனர். சமீபத்தில் இதன் டிரைலர் மற்றும் இசை வெளியாகி ரசிகர்களிடையே பெரும் வரவேற்பைப் பெற்றது. 

இப்படத்தின் புரமோஷனுக்காக கமல் மலேசியா சென்றிருந்தார். அங்கு பத்திரிக்கையாளர் ஒருவர் தளபதியோடு சேர்ந்து எப்போது நடிக்க போகிறீர்கள் என்று கேட்டார். அதற்கு கமல், “ தளபதியின் கால்சீட் கிடைத்ததும் நடிக்கத் தயார்” எனக் கூறினார். 

இதைத் தொடர்ந்து சமூக வலைதளங்களில் விஜய் ரசிகர்கள் இச்செய்தியினைக் கொண்டாடி வருகின்றனர்.