‘ரஞ்சிதமே’: விஜய் குரலில் வெளியானது வாரிசு பாடல் ப்ரோமோ

வாரிசு படத்தின் முதல் பாடலான ரஞ்சிதமே பாடலின் ப்ரோமோவை படக்குழுவினர் வெளியிட்டுள்ளனர்.

நடிகர் விஜய் தற்போது தெலுங்கு இயக்குநர் வம்சி இயக்கத்தில் வாரிசு படத்தில் நடித்துவருகிறார். இந்தப் படத்தை ஸ்ரீ வெங்கடேஸ்வரா சினி கிரியேஷன்ஸ் சார்பாக தில் ராஜு தயாரிக்கிறார். 

இதையும் படிக்க | 'குறைவா நடிச்சுட்டு இவ்வளவு சம்பளம் கேட்கலாமா’? அமீர்கானை விமர்சித்த பிரபல நடிகை

விஜய்க்கு ஜோடியாக ராஷ்மிகா மந்தனா நடிக்க, ஷாம், சரத்குமார், குஷ்பு, தெலுங்கு நடிகர் ஸ்ரீகாந்த், சங்கீதா உள்ளிட்டோர் முக்கிய வேடங்களில் நடித்து வருகின்றனர்.

இந்நிலையில், இப்படத்தின் முதல் பாடலான ரஞ்சிதமே பாடலின் ப்ரோமோ விடியோவை படக்குழுவினர் வெளியிட்டுள்ளனர். நடிகர் விஜய், மானசி பாடியுள்ள இந்தப் பாடலை விவேக் எழுதியுள்ளார். தமன் இசையமைத்துள்ளார். 

இந்தப் பாடல் நவம்பர் 5ஆம் தேதி வெளியாகும் என அறிவிக்கப்பட்டுள்ளது.