”2 ஆம் பாகத்தின் வசூலைப் பொருத்து அடுத்த பாகம்..” அவதார் குறித்து ஜேம்ஸ் கேம்ரூன்

அவதார் 2 படத்தின் வசூலைப் பொருத்து அப்படத்தின் அடுத்த பாகம் குறித்து முடிவெடுக்கப்படும் என இயக்குநர் ஜேம்ஸ் கேமரூன் தெரிவித்துள்ளார்.

ஜேம்ஸ் கேமரூன் இயக்கத்தில் கடந்த 2009 ஆம் ஆண்டு வெளியாகி, உலகெங்கும் மாபெரும் வெற்றியைப் பதிவு செய்த படம் அவதார். இரண்டு மணிநேரம் 40 நிமிடங்கள் நம்மை வேறு உலகக்கு அழைத்து சென்றிருந்தது இத்திரைப்படம். 

25 கோடி அமெரிக்க டாலர்கள் பொருட்செலவில் உருவாக்கப்பட்ட இத்திரைப்படம் உலகம் முழுவதும் 280 கோடி அமெரிக்க டாலர்கள் வசூலை அள்ளியது. அதுவரை வேறு எந்தத் திரைப்படமும் நிகழ்த்த முடியாத வசூல் சாதனையை இத்திரைப்படம் நிகழ்த்தியது. 

இதையும் படிக்க: டிரைவர் ஜமுனா திரைப்பட வெளியீடு ஒத்திவைப்பு

கிட்டத்தட்ட 12 ஆண்டுகள் கழித்து  இந்தப் படத்தின் இரண்டாம் பாகம் 2022 ஆம் ஆண்டு டிசம்பர் 16 ஆம் தேதி வெளியாகவுள்ளது.  முதல் பாகத்தைப்போல மிகச் சிறப்பான காட்சி அனுபவத்துடன் தயாரிக்கப்பட்ட இத்திரைப்படம் உலகம் முழுவதும் 160 மொழிகளில் வெளியாக உள்ளது.

இந்நிலையில், அவதார் 2 படத்தின் வசூலைப் பொருத்துதான் அடுத்த பாகத்தை தயாரிப்பது குறித்து முடிவெடுக்கப்படும் என்றும் 3 ஆம் பாகத்தோடு அவதார் வரிசை முடிவுக்கு வரும் என்றும் அப்படத்தின் இயக்குநர் ஜேம்ஸ் கேமரூன் தெரிவித்துள்ளார்.