நடிகர் பிருத்விராஜ் பிறந்தநாளை முன்னிட்டு, கே.ஜி.எஃப் இயக்குநர் பிரஷாந்த் நீல் இயக்கும் ’சலார்‘ படத்தின் புதிய போஸ்டர் வெளியிடப்பட்டுள்ளது. 

கேஜிஎஃப் படத்தின் மூலம் இந்திய அளவில் பிரபலமானவர் இயக்குநர் பிரஷாந்த் நீல். இவரது இயக்கத்தில் யஷ் நடிப்பில் வெளியான கேஜிஎஃப் 2 திரைப்படம் இந்திய அளவில் மிகப்பெரிய வெற்றியைப் பெற்றதுடன் ரூ.1,200 கோடி வசூலையும் அடைந்தது.

அதனைத் தொடர்ந்து, இயக்குநர் பிரஷாந்த் நீல் தற்போது நடிகர் பிரபாஸை  நாயகனாக வைத்து ‘சலார்’ படத்தை இயக்கி வருகிறார். இந்தப் படத்தில் ஸ்ருதி ஹாசன் நாயகியாக நடிக்கிறார். 

‘சலார்’ 2023 - செப்டம்பர் 28 ஆம் தேதி திரைக்கு வரும் என அப்படத்தின் தயாரிப்பு நிறுவனமான ‘ஹொம்பலே ஃபிலிம்ஸ்’ அறிவித்திருந்தது. 

இந்நிலையில் பிருத்விராஜ் பிறந்தநாளில் அவர் இடம்பெற்றுள்ள சலார் படத்தின் புதிய போஸ்டரை படக்குழுவினர் வெளியிட்டுள்ளனர். வரதராஜ மன்னார் கதாப்பாத்திரத்தில் நடிப்பதாக இயக்குநர் பிரசாந்த் நீல் தெரிவித்துள்ளார்.