பொன்னியின் செல்வனில் குந்தவையிடம் வந்தியத்தேவன் மனதைப் பறிகொடுத்ததுபோல அப்படம் வெளியானதிலிருந்து திரிஷாவிடமிருந்து மீள முடியாமல் தவித்துக்கொண்டிருக்கிறார்கள் ரசிகர்கள். 

அதற்குள் திரிஷா நடித்துள்ள தி ரோட் படத்தின் புதிய போஸ்டர் வெளியாகியுள்ளது. மதுரையில் கடந்த 2000 ஆம் ஆண்டின் துவக்கத்தில் நடைபெற்ற உண்மை சம்பவத்தை அடிப்படையாகக் கொண்டு இந்தப் படம் உருவாகியுள்ளது. 

இதையும் படிக்க | ஐஸ்வர்யா ராஜேஷின் 'டிரைவர் ஜமுனா': ரிலீஸ் தேதி அறிவிப்பு​

இப்படத்தை அருண் வசீகரன் எழுதி இயக்கியுள்ளார். சார்பட்டா பரம்ரையில் நடித்த சந்தோஷ் பிரதாப், டான்ஸிங் ரோஸாக கலக்கிய ஷபீர், மியா ஜார்ஜ், வேல ராமமூர்த்தி, எம்.எஸ்.பாஸ்கர், விவேக் பிரசன்னா உள்ளிட்டோர் முக்கிய வேடங்களில் நடித்துள்ளனர். 

சாம் சிஎஸ் இந்தப் படத்துக்கு இசையமைத்துள்ளார். இந்தப் படத்தின் 90 சதவிகித படப்பிடிப்பு பணிகள் முடிவடைந்துவிட்டதாக கூறப்படுகிறது. இந்த நிலையில் புதிய போஸ்டர் ஒன்று வெளியாகி வைரலாகிவருகிறது.