வசூலில் அசத்தும் அனிமல்: 2வது நாளில் ரூ.250 கோடியை நெருங்கியது!
பிரபல ஹிந்தி நடிகர் ரன்பீர் கபூர் நடித்துள்ள அனிமல் திரைப்படம் வசூலில் கலக்கி வருகிறது.
‘அர்ஜூன் ரெட்டி’ படத்தின் மூலம் புகழ் பெற்ற இயக்குநர் சந்தீப் ரெட்டி வங்கா இயக்கத்தில் உருவாகியுள்ளது அனிமல்.
பிரபல ஹிந்தி நடிகர் ரன்பீர் கபூர், ராஷ்மிகா நடித்துள்ள இந்தப் படத்திற்கு மத்திய தணிக்கை வாரியம் ‘ஏ’ சான்றிதழ் அளித்துள்ளது. படத்தின் மொத்த நேரம் 3 மணி நேரம் 21 நிமிடங்கள்.
இதையும் படிக்க: தந்தையை கண்டடைதல்: அனிமல் - திரைவிமர்சனம்!
அப்பாவுக்கும் மகனுக்கும் இடையேயான உறவைப் பேசும் கதையாக உருவாகியுள்ள இப்படத்தில், வன்முறைக் காட்சிகள் அதிகமாக இருப்பதாக ரசிகர்கள் தெரிவித்துள்ளனர்.
இதையும் படிக்க: விஜய் குமார் பெயரும் என் பெயரும் ஒன்றாக வரவேண்டி 2017-இல் இருந்து முயற்சிக்கிறேன்: லோகேஷ் கனகராஜ்
படம் ரசிகர்கள் மத்தியில் நல்ல வரவேற்பினை பெற்று வருகிறது. இந்நிலையில், படம் 2வது நாளில் ரூ.236 கோடி வசூலித்துள்ளது. முதல் நாளில் ரூ. 116 கோடி வசூலித்தது. திருவிழா அல்லாத நாள்களில் வெளியாகி இவ்வளவு வசூலித்த படங்களில் இதுதான் முதன்முறை என படக்குழு தெரிவித்திருந்ததும் குறிப்பிடத்தக்கது.