அயலி இணையத் தொடர் இயக்குநருக்கு பரிசளித்து பாராட்டியுள்ளார் அமைச்சர் உதயநிதி ஸ்டாலின்.

இயக்குநர் முத்துக்குமார் இயக்கத்தில் பெண் கல்வியை மையமாக வைத்து உருவாகியுள்ள இணையத் தொடர் ‘அயலி’.

பருவத்திற்கு வந்த சிறுமிகளின் படிப்பை பாதியில் நிறுத்தி திருமணம் செய்து வைக்கும் வழக்கம் கொண்ட ஊரில் படிப்பைத் தொடரும் சிறுமியின் கதையாக உருவான இத்தொடர் விமர்சகர்கள் மத்தியில் பாராட்டுக்களையும் வரவேற்பையும் பெற்று அசத்தி வருகிறது.

இதையும் படிக்க: பதான் இந்திய வசூல் இவ்வளவா?

இந்நிலையில்,  நடிகரும் அமைச்சருமான உதயநிதி ஸ்டாலின், ‘அயலி’. ஜீ5 தள வெப் சீரிஸ். வயதுக்கு வந்ததை மறைத்து, மருத்துவர் கனவோடு படிக்கும் மாணவியின் கதை. குழந்தை திருமணத்துக்கு எதிரான, பெண் கல்வியின் முக்கியத்துவத்தை உணர்த்தும் இப்படம் அனைவரும் பார்க்கவேண்டிய ஒன்று. இப்பட இயக்குநர் முத்துக்குமாருக்கு பெரியார் சிலை அளித்து பாராட்டினேன்.’ என டிவிட்டரில் தெரிவித்துள்ளார்.