சித்தார்த் - அதிதி இருவரும் இணைந்து நடனமாடிய ‘ரீல்ஸ்’ விடியோ வைரலாகி வருகிறது.

நடிகர் சித்தார்த் இயக்குநர் மணிரத்னத்தின் ‘ஆயுத எழுத்து’ படத்தின் மூலம் தமிழில் அறிமுகமானார். பின்னர் ஷங்கர் இயக்கத்தில் ‘பாய்ஸ்’ படத்தின் கதாநாயகனாக நடித்தார். முக்கியமான நடிகராக வலம் வந்தவர் அடுத்தடுத்த தோல்விப் படங்களைக் கொடுத்ததால் தற்போது மார்க்கெட் இழந்துள்ளார்.

மேலும், தெலுங்கில் 2021இல் மஹாசமுத்திரம் படம் வெளியானது. இந்தப் படத்தில் நடிகை அதிதி ராவ் ஹைதரி உடன் நடித்திருந்தார்.

இதையும் படிக்க: சென்னையில் ஏ.ஆர்.ரஹ்மான் இசை நிகழ்ச்சி

அதிதி ராவ் ஹைதரி தமிழில் காற்று வெளியிடை, செக்க சிவந்த வானம், ஹே சினாமிகா போன்ற படங்களில் நடித்து பிரபலமானவர்.  இவரும் சித்தார்த்தும் காதலிப்பதாக தகவல் பரவி வந்தது. இதனை உறுதிப்படுத்தும் விதமாக இருவரும் இணைந்து பல நிகழ்ச்சிகளுக்கு சென்றனர். 

இந்நிலையில், இன்ஸ்டாகிராமில் சித்தார்த் - அதிதி இருவரும் இணைந்து நடனமாடும் ’ரீல்ஸ்’ விடியோ ஒன்றைப் பதிவிட்டுள்ளனர். இது வைரலாகி வருகிறது.