நடிகர் அஜித் குமார் - இயக்குநர் விக்னேஷ் சிவன் கூட்டணியில் உருவாகும் ‘ஏகே 62’ படத்திற்காக அஜித் உடல் எடையைக் குறைக்க உள்ளதாக தகவல் வெளியாகியுள்ளது.

நேர்கொண்ட பார்வை, வலிமை படங்களுக்கு பிறகு 3வது முறையாக நடிகர் அஜித் குமார், தயாரிப்பாளர் போனி கபூர், இயக்குநர் ஹெச்.வினோத்  கூட்டணி மீண்டும் இணைந்துள்ள படம் துணிவு. ​இப்படம் ஜன.11 ஆம் தேதி வெளியாகியது.

அதனைத் தொடர்ந்து,  லைக்கா புரொடக்சன்ஸ் தயாரிப்பில்  விக்னேஷ் சிவன் இயக்கத்தில் அஜித் நடிக்க உள்ளார். ஏகே - 62 ஆன இப்படத்திற்கு நடிகர்கள் தேர்வு நடைபெற்று வருகிறது.

இதையும் படிக்க: கமல்ஹாசன் படத்தில் ஷாருக்கான், மம்மூட்டி?

மேலும், இப்படத்தின் படப்பிடிப்பு வரும் பிப்ரவரி மாதம் மும்பையில் துவங்க உள்ளதாக தகவல் வெளியாகியிருந்தது.

இந்நிலையில், இப்படத்திற்காக அஜித்குமார் தன் உடல் எடையைக் குறைக்க உள்ளதாக புதிய தகவல் வெளியாகவுள்ளது.