ஜெயிலர் படத்தில் பிரபல நடிகை இணைந்துள்ளார்.

நடிகர் ரஜினிகாந்த் தற்போது நெல்சன் இயக்கத்தில் ஜெயிலர் படத்தில் நடித்து வருகிறார். இப்படத்தில் ரம்யா கிருஷ்ணன், யோகி பாபு, விநாயகன் உள்ளிட்டோர் நடிக்கின்றனர்.

படத்துக்கு அனிருத் இசையமைக்க சன் பிக்சர்ஸ் தயாரித்து வருகிறது. சமீபத்தில் இந்தப் படத்தில் முக்கிய கதாபாத்திரத்தில் நடிக்கும்  கன்னட சூப்பர் ஸ்டாரான ஷிவ ராஜ்குமார், மோகன்லால், சுனில் ஆகியோரின் தோற்ற புகைப்படத்தை சன் பிக்சர்ஸ் நிறுவனம் வெளியிட்டிருந்தது. 

இதையும் படிக்க- வாரிசு படத்தின் ரன்னிங் டைம் எவ்வளவு?: வெளியானது சென்சார் சான்றிதழ்

இந்நிலையில், புதிதாக இதில் நடிகை தமன்னா நடிக்க உள்ளதை படக்குழு புகைப்படம் வெளியிட்டு அதிகாரப்பூர்வமாக அறிவித்துள்ளது.

விருவிருப்பாக நடைபெற்றுவரும் இப்படத்தின் படப்பிடிப்புகள்  விரைவில் நிறைவடைய உள்ளது. மேலும்,  ‘ஜெயிலர்’ படத்தை 2023, ஏப்ரல் 14 ஆம் தேதி திரையரங்குகளில் வெளியிட படக்குழு முடிவு செய்துள்ளதாக தகவல் வெளியாகியிருந்தது குறிப்பிடத்தக்கது.