பிக் பாஸ் கவினின் டாடா திரைப்படம் குறித்து நடிகர் கார்த்தி கருத்து தெரிவித்துள்ளார்.

ஒலிம்பியா மூவிஸின் எஸ். அம்பேத் குமார் தயாரிப்பில் கணேஷ் கே.பாபு இயக்கத்தில் வெளியான ’டாடா’ திரைப்படம் உலகம் முழுவதும் பிப்ரவரி 10ஆம் தேதி திரையரங்குகளில் வெளியாகி, நல்ல விமர்சனங்களை பெற்று வருகிறது.

கவின் மற்றும் அபர்ணாதாஸ் முன்னணி கதாபாத்திரத்தில் நடிக்க பாக்யராஜ், ஐஷ்வர்யா பாஸ்கரன், விடிவி கணேஷ், பிரதீப் ஆண்டனி, ஹரிஷ் கே, ஃபெளஸி மற்றும் பலர் முக்கிய கதாபாத்திரங்களில் நடித்திருந்தனர்.

இதையும் படிக்க: வசூலைக் குவிக்கும் ‘ரோமாஞ்சம்’

இந்நிலையில் நடிகர் கார்த்தி, ‘இறுதியாக டாடா படம் பார்த்தேன். என்ன ஒரு அற்புதமான படம்! இதுபோன்ற எழுத்தையும் இயக்கத்தையும் பார்க்க மகிழ்ச்சியாக இருக்கிறது. கவின் உள்பட அனைவரும் சிறந்த நடிப்பை வழங்கியுள்ளனர்.’ எனத் தெரிவித்துள்ளார்.

இதைப் பகிர்ந்த கவின், “5 நிமிட அழைப்பிலேயே எல்லாவற்றையும் சொல்லிவிட்டீர்கள். ஆனால் , ‘இந்தப் படத்தை நினைவில் வைத்திருப்பேன்’ என நீங்கள் சொன்னதை நான் எப்போதும் மறக்க மாட்டேன். வாழ்க வளமுடன் வந்தியத்தேவா” என கார்த்திக்கு பதிலளித்துள்ளார்.