சந்திரமுகி - 2 படக்குழுவினருடன் ஹோலி கொண்டாடிய கங்கனா!

சந்திரமுகி - 2 படக்குழுவினருடன் நடிகை கங்கனா ரணாவத் ஹோலி பண்டிகையைக் கொண்டாடியுள்ளார்.

கடந்த 2005 ஆம் ஆண்டு ரஜினிகாந்த் நடிப்பில் பி.வாசு இயக்கத்தில் வெளியான சந்திரமுகி படத்தின் இரண்டாம் பாகத்தில் ராகவா லாரன்ஸை வைத்து பி.வாசு இயக்கி வருகிறார்.

லைகா புரடக்ஷன் தயாரிப்பில் நடிகர் ராகவா லாரன்ஸ், கங்கனா ரனாவத் நடிப்பில் உருவாகும் இப்படத்திற்கு எம்.எம்.கீரவாணி இசையமைக்கிறார். ஆர்.டி.ராஜசேகர் ஒளிப்பதிவு செய்கிறார். கலை - தோட்டா தரணி.

இதையும் படிக்க: விஷாலின் ’மார்க் ஆண்டனி' போஸ்டர் வெளியீடு

மேலும், நகைச்சுவை நடிகர் வடிவேலு முக்கியக் கதாபாத்திரத்தில் நடிக்கிறார். படத்தின் படப்பிடிப்பு வேகமாக நடைபெற்று வருகிறது.

இந்நிலையில், நேற்று ஹோலி பண்டிகையை முன்னிட்டு நடிகை கங்கனா படக்குழுவினர் முகத்தில் வண்ணப் பொடிகளைத் தடவி கொண்டாட்டத்தில் ஈடுபட்டார்.