இந்த வாரம் எந்தெந்த திரைப்படங்கள் எந்தெந்த ஓடிடியில் வெளியாக உள்ளன என்பதைக் காணலாம்.

சுழற்பந்து வீச்சாளரான முத்தையா முரளிதரனின் வாழ்க்கை வரலாறு ‘800’ என்கிற பெயரில் திரைப்படமாக உருவானது. 800 படத்தின் நாயகனாக ஆஸ்கர் விருது பெற்ற ‘ஸ்லம்டாக் மில்லியனர்’ படத்தில் நடித்த மதூர் மிட்டல் நடித்துள்ளார். 

இப்படம் ஜியோ சினிமாஸ் ஓடிடி தளத்தில் வருகிற டிசம்பர் 2 ஆம் தேதி தமிழ், மலையாளம், தெலுங்கு, கன்னடம், ஹிந்தி ஆகிய மொழிகளில் வெளியிடப்படும் எனத் தெரிவிக்கப்பட்டுள்ளது.

நாகசைதன்யா நடித்துள்ள தூதா என்ற வெப் தொடர் டிச. 1 ஆம் தேதி நேரடியாக ஓடிடியில் வெளியாகிறது. நாகசைதன்யாவுக்கு ஜோடியாக பிரியா பவானிசங்கர் நடித்துள்ளார். முக்கிய கதாபாத்திரத்தில் பார்வதி நடித்துள்ளார். இந்த வெப் தொடர் அமேசான் ப்ரைம் ஓடிடியில் வெளியாகிறது.

இதையும் படிக்க: இந்த வாரம் திரையரங்குகளில் வெளியாகவுள்ள திரைப்படங்கள்!

மேலும் மிஷன் ராணிகஞ்ச் திரைப்படம் நெட்ஃபிளிக்ஸிலும், இந்தியானா ஜோன்ஸ் திரைப்படம் டிஸ்னி ப்ளஸ் ஹாட்ஸ்டாரிலும் வெளியாகிறது.