'இறுகப்பற்று' படத்தில் யுவன் சங்கர் ராஜா பாடிய 'பிரியாதிரு' பாடல் வெளியாகி வரவேற்பை பெற்று வருகிறது.
விக்ரம் பிரபு, ஷ்ரத்தா ஸ்ரீநாத், விதார்த், ஸ்ரீ, அபர்நதி, சானியா ஐயப்பன் ஆகியோர் முதன்மை கதாபாத்திரத்தில் நடித்துள்ள படம் ‘இறுகப்பற்று’. இப்படத்தை யுவராஜ் தயாளன் இயக்கியுள்ளார். ஏற்கெனவே இவர் ‘எலி’, ‘தெனாலிராமன்’ உள்ளிட்ட படங்களை இயக்கியுள்ளார்.
பொடன்ஷியல் ஸ்டூடியோ தயாரிக்கிறது. ஜஸ்டின் பிரபாகர் இசையமைத்துள்ளார். கார்த்திக் நேதா பாடல் வரிகளை எழுதியுள்ளார். படத்தின் இறுதிகட்ட பணிகள் விறுவிறுப்பாக நடைபெற்று வருகிறது. படம் இம்மாதம் திரைக்கு வரும் என எதிர்பார்க்கப்படுகிறது.
இந்நிலையில், படத்தின் முதல் பாடலான 'பிரியாதிரு' பாடலை படக்குழு இன்று வெளியிட்டுள்ளது. இசையமைப்பாளர் யுவன்சங்கர் ராஜா குரலில் வெளியாகியுள்ள இப்பாடல் ரசிகர்கள் மத்தியில் கவனம் ஈர்த்து வருகிறது.