நடிகர் சூர்யா தற்போது கங்குவா படத்தில் நடித்து வருகிறார். இதனைத் தொடர்ந்து, அவரின் 43-வது படத்தை இயக்குநர் சுதா கொங்காரா இயக்க உள்ளதாக தகவல் வெளியாகியிருந்தது.

முன்னதாக, சுதா கொங்காரா இயக்கிய ‘சூரரைப் போற்று’ படத்தில் நடித்து சிறந்த நடிகருக்கான தேசிய விருதை சூர்யா வென்றிருந்தார்.

இதையும் படிக்க: லியோ இரண்டாவது பாடல் எப்போது?

இந்நிலையில், மீண்டும் இக்கூட்டணி இணைய உள்ளதால் எதிர்பார்ப்பு அதிகரித்துள்ளது.

மேலும், சூர்யா - 43 படத்தில் நடிகர் துல்கர் சல்மான் இணைய உள்ளதாக தகவல் வெளியாகியிருந்தது. தற்போது, இப்படத்தில் சூர்யாவுக்கு ஜோடியாக நடிகை நஸ்ரியா நடிக்க உள்ளதாகக் கூறப்படுகிறது. முன்னதாக, அதிதி ஷங்கரை நாயகியாக்க படக்குழு முடிவு செய்திருந்ததாக தகவல் வந்தது குறிப்பிடத்தக்கது.