லோகேஷ் கனகராஜ் இயக்கத்தில் நடிகர் விஜய் நடித்துள்ள லியோ படத்தில் த்ரிஷா, சஞ்சய் தத், அர்ஜுன், இயக்குநர்கள் மிஷ்கின், கௌதம் மேனன் உள்ளிட்ட பல பிரபலங்கள் நடித்துள்ளனர்.

இப்படம் வெளியீட்டிற்கு முன்பே முன்பதிவில் இங்கிலாந்தில் 10,000+ அதிகமான டிக்கெட்டுகள் விற்பனையாகி சாதனை படைத்துள்ளது. சமீபத்தில், நடிகர்கள் சஞ்சய் தத் மற்றும் அர்ஜுன் ஆகியோரின் பிறந்தநாள்களை முன்னிட்டு சிறப்பு கிளிம்ப்ஸ் விடியோக்களை படக்குழு வெளியிட்டிருந்தது. 

இதையும் படிக்க: விஜய்தான் சூப்பர் ஸ்டார்; லியோவில் சிங்கிள் ஷாட் சண்டைக்காட்சி...: நடிகர் ராமகிருஷ்ணன்

இப்படத்தின் எடிட்டிங் பணிகளைத் தொடர்ந்து அடுத்ததாக விஎஃப்எக்ஸ் பணிகள் ஆரம்பமாகியுள்ளன. இதன்பின், டப்பிங் மேற்கொள்ளபட உள்ளது. அக்டோபர் 19ஆம் தேதி இப்படம் வெளியாக உள்ளதால் இயக்குநர் லோகேஷ் கனகராஜ் படத்தின் தரத்தை தீவிரமாக மெறுகேற்றி வருகிறார். 

இதையும் படிக்க: ரத்தம் படத்தில் நகைச்சுவை இருக்குமா? தமிழ்ப்படம் 3 எப்போது?: இயக்குநர் சிஎஸ் அமுதனின் பதில்கள்!

இப்படத்தின் இரண்டாவது பாடல் பணிகளில் கவனம் செலுத்தி வருவதாகவும் அடுத்த வாரம் இதுகுறித்த அப்டேட் வரும் என்றும் இசையமைப்பாளர் அனிருத் தெரிவித்துள்ளார். முதல் பாடலான ‘நா ரெடி’ வெளியாகி யூடியூப்பில் 100 மில்லியனுக்கு மேல் பார்வையாளர்களை கடந்து நல்ல வரவேற்பைப் பெற்று வருவது குறிப்பிடத்தக்கது. 

இதையும் படிக்க: மீண்டும் நாக சைதன்யாவுடன் இணையும் குஷி பட இயக்குநர்! 

இப்படத்தின் இசை வெளியீட்டு விழா சென்னை நேரு உள்விளையாட்டு அரங்கில் செப்டம்பர் -23ஆம் தேதி  நடத்தப்படும் என தகவல் வெளியான நிலையில் விஜய் மக்கள் இயக்க நிர்வாகி புஸ்ஸி ஆனந்த் விஜய் மக்கள் இயக்க மகளிர் அணி ஆலோசனைக் கூட்டத்தில், “இந்த மாதம் லியோ இசை வெளியீட்டு விழா நடைபெற உள்ளது. அதற்கான அனுமதி சீட்டுகளை மாவட்ட நிர்வாகிகளிடம் பெற்றுக் கொள்ளலாம்” எனக் கூறியுள்ளார்.