நடிகர் ஜூனியர் பாலையா காலமானார்!

சென்னை: நடிகர் ஜூனியர் பாலையா என்றழைக்கப்படும் ரகு பாலையா(வயது 70) உடல்நலக் குறைவால் இன்று அதிகாலை உயிரிழந்தார்.

பழம்பெரும் நடிகர் டி.எஸ்.பாலையாவின் மூன்றாவது மகன் ரகு பாலையா. 1975-ஆம் ஆண்டு ‘மேல்நாட்டு மருமகள்’ என்ற படத்தின் மூலம் அறிமுகமானார்.

கரகாட்டக்காரன், கோபுர வாசலிலே, சுந்தரகாண்டம், சாட்டை, கும்கி உள்பட 100-க்கும் மேற்பட்ட திரைப்படங்களில் நடித்துள்ளார்.

சென்னை வளசரவாக்கத்தில் உள்ள இல்லத்தில் வசித்து வந்த ஜூனியர் பாலையா, இன்று அதிகாலை திடீரென மூச்சுத் திணறல் ஏற்பட்டு உயிரிழந்தார்.

இதையும் படிக்க | காக்கா...கழுகு...: விஜய்யின் குட்டி ஸ்டோரி! 

ஜூனியர் பாலையாவின் இல்லத்தில் திரைத்துறையினர் மற்றும் மக்களின் அஞ்சலிக்காக வைக்கப்பட்டுள்ள அவரது உடல் நாளை தகனம் செய்யப்படும் என்று தகவல் வெளியாகியுள்ளது.