நடிகர் ஸ்ரீகாந்த் நடித்துள்ள சத்தமின்றி முத்தம் தா படத்தின் டிரைலர் வெளியாகியுள்ளது.

ரோஜாக் கூட்டம், ஏப்ரல் மாதத்தில் ஆகிய தமிழ்ப் படங்களில் நடித்து பிரபலமானவர் நடிகர் ஸ்ரீகாந்த். தற்போது தமிழ் மட்டுமின்றி தெலுங்கிலும் நடித்து வருகிறார்.

ஸ்ரீகாந்த் நடிப்பில் கடைசியாக வெளிவந்த எக்கோ எனும் தமிழ்ப் படம் நல்ல விமர்சனங்களைப் பெற்றன.

தற்போது சத்தமின்றி முத்தம் தா படத்தில் நடித்து முடித்துள்ளார். இதில் ஸ்ரீ காந்த் உடன் கன்னட நடிகை பிரியங்கா திம்மேஷ் நடித்துள்ளார். எழுதி இயக்கியுள்ளாஎ ராஜ்தேவ். ஜுபின் இசையமைத்துள்ளார்.

கார்த்திகேயன் எஸ் வழங்கும் இந்தப் படத்தின் டிரைலரை இயக்குநர் மோகன் ராஜா வெளியிட்டுள்ளார்.

த்ரில்லர் பாணியில் இந்தப் படத்தின் கதை விபத்தினை மையமாக வைத்து எடுக்கப்பட்டுள்ளது. இதன் டிரைலர் வெளியாகி கவனம் ஈர்த்துள்ளது.

மார்ச் 1ஆம் தேதி திரையரங்குகளில் வெளியாகவிருக்கிறது.