இந்தியன் - 2 படத்தின் முக்கிய அறிவிப்பொன்றை படக்குழு வெளியிட்டுள்ளது.

இந்தியன் திரைப்படம் வெளியாகி 28 ஆண்டுகள் கழித்து நடிகர் கமல்ஹாசன் நடிப்பில் இப்படத்தின் இரண்டாம் பாகம் உருவாகியுள்ளதால் படத்தின் மீதான எதிர்பார்ப்பு ரசிகர்கள் மத்தியில் அதிகரித்துள்ளது.

மேலும், இப்படத்தில் நடிகர்கள் சித்தார்த், பாபி சிம்ஹா, விவேக், எஸ்.ஜே.சூர்யா, காஜல் அகர்வால், ரகுல் ப்ரீத் சிங் உள்ளிட்டோர் நடித்துள்ளனர்.

இந்தியன் - 2 படத்தின் டிரைலர் மற்றும் 3 பாடல்களின் விடியோ வெளியாகி இணையத்தில் வைரலானது.

இந்த நிலையில், இந்தியன் -2 படத்தின் 'காலண்டர்' பாடல் விடியோ இன்று(ஜூலை 1) மாலை 6 மணிக்கு வெளியாகும் என்று படக்குழு தரப்பில் அறிவிப்பு வெளியாகியுள்ளது.

இந்தியன் - 2 திரைப்படம் ஜூலை 12 ஆம் தேதி திரைக்கு வரவுள்ளது குறிப்பிடத்தக்கது.