இயக்குநர் பா. ரஞ்சித்தின் நீலம் புரோடக்சன்ஸ் தயாரிக்கும் 'பாட்டல் ராதா' படத்தின் டீசர் வெளியாகியுள்ளது.

இயக்குநர் பா. ரஞ்சித் தனது நீலம் புரொடக்சன்ஸ் தயாரிப்பு நிறுவனம் மூலம் திரைப்படங்களைத் தயாரித்து வருகிறார்.

பரியேறும் பெருமாள் படத்தின் மூலம் தயாரிப்பாளராக துவங்கி அவரது நீலம் தயாரிப்பு நிறுவனம், தொடர்ந்து இரண்டாம் உலகப்போரின் கடைசிகுண்டு, ரைட்டர், சேத்துமான், குதிரைவால், நட்சத்திரம் நகர்கிறது, பொம்மை நாயகி, ஜே பேபி, தண்டகாரண்யம் உள்ளிட்ட படங்களைத் தயாரித்துள்ளது.

பா. ரஞ்சித் தன் இணை இயக்குநரான தினகரன் சிவலிங்கம் இயக்கும் புதிய படத்தை தன் தயாரிப்பு நிறுவனம் மூலம் இயக்குநராக அறிமுகப்படுத்துகிறார். இப்படத்திற்கு, ‘பாட்டல் ராதா’ எனப் பெயரிடப்பட்டுள்ளது.

இப்படத்தில் நாயகனாக குரு சோமசுந்தரமும், இவருக்கு ஜோடியாக சஞ்சனா நடராஜனும் நடிக்கின்றனர். மேலும், இப்படத்தில் ஜான் விஜய், மாறன், ஆண்டனி உள்ளிட்டோர் நடிக்கின்றனர். ஷான் ரோல்டன் இந்த திரைப்படத்துக்கு இசையமைக்கிறார்.

இந்த நிலையில், 'பாட்டல் ராதா' படத்தின் டீசர் இணையத்தில் வெளியாகி வைரலாகி வருகிறது.