திரையரங்குகளில் வாரந்தோறும் படங்கள் வெளியாகுவதுபோல, ஓடிடி தளங்களிலும் வாரந்தோறும் திரைப்படங்கள், வெப் தொடர்கள் வெளியாகி கொண்டுதான் இருக்கின்றன.

அந்த வகையில், இந்த வாரம் எந்தெந்த திரைப்படங்கள் எந்தெந்த ஓடிடி தளங்களில் வெளியாகவுள்ளன என்பதைக் காணலாம்.

ஸ்வதேஷ் இயக்கத்தில் யோகிபாபு, ஓவியா நடித்த பூமர் அங்கிள் திரைப்படம் கடந்த மார்ச் மாதம் திரையரங்குகளில் வெளியானது. இப்படம் ஆஹா மற்றும் சிம்பிலி சவுத் ஓடிடி தளத்தில் வெளியாகி உள்ளது.

கவின் நடிப்பில் வெளியான ஸ்டார் திரைப்படம் அமேசான் பிரைம் ஓடிடி தளத்தில் வெளியாகியுள்ளது.

அக்‌ஷய்குமார் மற்றும் டைகர் ஷெராஃப் நடிப்பில் வெளியான பாலிவுட் திரைப்படமான ’படே மியான் சோடே மியான்’ நெட்ஃபிளிக்ஸில் வெளியாகியுள்ளது.

ராஜு துசா இயக்கத்தில் ஹன்சிகா பிரதான பாத்திரத்தில் நடித்த '105 மினிட்ஸ்' திரைப்படம் ஆஹா ஓடிடி தளத்தில் வெளியாகியுள்ளது.

பிரணவ் மோகன்லால், வினீத் ஸ்ரீனிவாசன், நிவின் பாலி உள்ளிட்ட நட்சத்திரங்கள் நடித்த வர்ஷங்களுக்கு ஷேஷம் திரைப்படம் சோனி லைவ் ஓடிடி தளத்தில் வெளியாகி ரசிகர்களின் கவனத்தை ஈர்த்து வருகிறது.