இந்தியன் - 2 படத்தின் டிரைலர் குறித்து தகவல் வெளியாகியுள்ளது.

இயக்குநர் ஷங்கர் இயக்கத்தில் நடிகர்கள் கமல்ஹாசன், சித்தார்த், ரகுல் பிரீத்தி சிங், காஜல் அகர்வால் உள்ளிட்டோர் நடிப்பில் உருவாகியுள்ள இந்தியன் -2 வரும் ஜூலை 12-ஆம் தேதி திரைக்கு வருகிறது.

அனிருத் இசையமைப்பில் உருவாகியிருக்கும் இத்திரைப்படத்தின் இசை வெளியீட்டு விழா சமீபத்தில் நடைபெற்றது.

படத்தில் இடம்பெற்ற. ‘கதறல்ஸ்’, ‘பாரா’ பாடல்கள் கவனம் பெற்றுள்ளது. இந்த நிலையில், இப்படத்தின் டிரைலர் சென்சார் செய்யப்பட்டதாகவும் வருகிற ஜூன் 24 ஆம் தேதி டிரைலரை தயாரிப்பு நிறுவனம் வெளியிடலாம் என்றும் தகவல் வெளியாகியுள்ளது.

டிரைலர் வெளியீட்டுக்குப் பின் படக்குழுவினர் பத்திரிகையாளர்களைச் சந்திக்க உள்ளதாகவும் கூறப்படுகிறது.