நடிகர் ஜாக்கி ஜான் நடிப்பில் உருவான கராத்தே கிட் லெஜண்ட்ஸ் படத்தின் தமிழ் போஸ்டர் வெளியாகியுள்ளது.

நடிகர் ஜாக்கி ஜான், ஜேடன் ஸ்மித் நடிப்பில் கடந்த 2010 ஆம் ஆண்டு வெளியாகி உலகளவில் வரவேற்பைப் பெற்ற திரைப்படம் தி கராத்தே கிட் (The karate kid).

தற்போது, இயக்குநர் ஜோனதன் எண்ட்விஸ்ட் இயக்கத்தில் ஜாக்கி ஜான், பென் வாங் உள்ளிடோர் நடிப்பில் உருவாகி வரும் திரைப்படம் கராத்தே கிட்: லெஜண்ட்ஸ் (karate kid: legends). இப்படத்திலும் சிறுவனுக்கு கராத்தே பயிற்றுவிக்கும் மாஸ்டராக ஜாக்கி ஜான் நடித்துள்ளார்.

இதையும் படிக்க: மீண்டும் 'பைரட்ஸ் ஆஃப் தி கரிபியன்' படத்தில் ஜானி டெஃப்?

முன்னதாக, இப்படத்தின் டிரைலர் வெளியாகி ரசிகர்களிடம் வரவேற்பைப் பெற்ற நிலையில், இப்படம் மே 30 ஆம் தேதி இந்தியாவில் தமிழ், தெலுங்கு, ஹிந்தி மற்றும் ஆங்கில மொழிகளில் வெளியாகும் என புதிய போஸ்டரை வெளியிட்டுள்ளனர்.