ஸ்ரீ கணேஷ் இயக்கத்தில் வெளியான 3பிஎச்கே திரைப்படத்தில் சித்தார்த், சரத் குமார், தேவயானி, மீதா ரகுநாத் உள்ளிட்டோர் நடித்திருந்தனர்.

3 பிஎச்கே திரைப்படம் சிம்பிளி சௌத், அமேசான் பிரைம் ஓடிடி தளங்களில் நாளை (ஆகஸ்ட் 1) வெளியாகின்றன.

வேணு ஸ்ரீராம் இயக்கத்தில் நித்தின் நாயகனாக நடித்து வெளியான தம்முடு திரைப்படத்தில் நாயகியாக சப்தமி கெளடா நடித்திருந்தார். இப்படம் நெட்பிளிக்ஸ் ஓடிடி தளத்தில் நாளை வெளியாகிறது.

ரங்கராஜ், நான்சி, ஸ்ருதி நாரயணன் உள்ளிட்டோர் நடிப்பில், அறிமுக இயக்குநர் ரங்கராஜ் இயக்கத்தில் வெளியான கட்ஸ் திரைப்படம் டெண்ட்கொட்டா ஓடிடி தளத்தில் நாளை காணலாம்.

தோனி மேத்யூ இயக்கத்தில் வெளியான சுரபில் சுந்தர ஸ்வப்னம் திரைப்படத்தை சன் நெக்ஸ்ட் ஓடிடி தளத்தில் நாளை பார்க்கலாம். இப்படத்தில் சோனி சோஜன், குங்பூ சஞ்சு, ஸ்டெபின் உள்ளிட்டோர் நடித்துள்ளனர்.

இயக்குநர் சேத்குரி மதுசூதனன் இயக்கத்தில் கிரைம், த்ரில்லர் படமாக வெளியான சக்ரவ்யூஹம்: தி ட்ராப் திரைப்படம் நாளை ஆஹா தமிழ் ஓடிடியில் வெளியாகிறது.

முகின் ராவ் நடிப்பில் தமிழில் வெளியான ஜின் தி பெட் திரைப்படம், தெலுங்கு மொழியில் சன் நெக்ஸ்ட் ஓடிடி தளத்தில் நாளை பார்க்கலாம்

கடந்த வாரம் வெளியான படை தலைவன் திரைப்படத்தை ஆஹா தமிழிலும், ரோந்த் திரைப்படத்தை ஜியோ ஹாட்ஸ்டாரிலும், மார்கன் திரைப்படத்தை அமேசான் பிரைமிலும் காணக் கிடைக்கின்றன.