சென்னையில் நடைபெறவிருந்த இசையமைப்பாளர் டி. இமானின் இசை நிகழ்ச்சி ஒத்திவைக்கப்படுவதாக அறிவிக்கப்பட்டுள்ளது.

தேசிய விருது வென்ற பிரபல இசையமைப்பாளர் இமானின் இசைநிகழ்ச்சி, ஜூன் 14 ஆம் தேதியன்று, நந்தனம் வொய்.எம்.சி.ஏ. மைதானத்தில் நடைபெற திட்டமிடப்பட்டிருந்தது.

இந்நிலையில், அந்த தேதியில் கனமழை பெய்யக்கூடும் என வானிலை ஆய்வு மையம் எச்சரித்துள்ளது. இதனால், முன்னெச்சரிக்கை நடவடிக்கையாக, இந்த நிகழ்ச்சி ஒத்திவைக்கப்படுவதாக, நிகழ்ச்சியின் ஒருங்கிணைப்பாளர்கள் அறிவித்துள்ளனர்.

இதனைத் தொடர்ந்து, இந்த நிகழ்ச்சிக்கான புதிய தேதியானது விரைவில் அறிவிக்கப்படும் என்றும், விற்பனையான டிக்கெட்டுகள் அனைத்தும் புதிய தேதியன்று செல்லுபடியாகும் என்றும் அந்நிறுவனம் தெரிவித்துள்ளது.

இருப்பினும், டிக்கெட்டுகளுக்கான பணத்தைத் திரும்பப் பெற விரும்பும் ரசிகர்கள் இன்று (ஜூன் 12) முதல் அடுத்த 7 நாள்களுக்குள் முழுவதுமாகத் திரும்பப் பெறலாம் என அறிவிக்கப்பட்டுள்ளது.

இதையும் படிக்க: சிம்பு - வெற்றி மாறன் படத்தின் படப்பிடிப்பு எப்போது?