மீண்டும் சென்சார் செய்யப்பட்ட குபேரா... ஏன்?

நடிகர் தனுஷ் நடித்த குபேரா திரைப்படம் மீண்டும் சென்சார் செய்யப்பட்டுள்ளது.

நடிகர் தனுஷும் தெலுங்கு சினிமாவின் முன்னணி நடிகர்களில் ஒருவரான நாகார்ஜுனாவும் முதல்முறையாக இணைந்து நடித்துள்ளதால் குபேரா மீதான எதிர்பார்ப்பு தமிழ், தெலுங்கு ரசிகர்களிடையே அதிகரித்துள்ளது.

ரூ. 120 கோடி பட்ஜெட்டில், சேகர் கம்முலா இயக்கத்தில் உருவாகியுள்ள இப்படத்துக்கு தேவி ஸ்ரீபிரசாத் இசையமைத்துள்ளார். படம் ஜூன் 20 ஆம் தேதி திரைக்கு வருகிறது.

சில நாள்களுக்கு முன் இப்படத்தை சென்சார் செய்தனர். அதன்படி, யு/ஏ சான்றிதழுடன் 3.15 மணி நேரம் கால அளவு கொண்ட படமாக இருந்தது.

ஆனால், படத்தின் நீளம் ரசிகர்களிடம் சோர்வை ஏற்படுத்தலாம் என்பதால் 3.01 மணி நேரமாகக் குறைத்து மீண்டும் படத்தைத் தயாரிப்பு நிறுவனம் சென்சார் செய்துள்ளனர். இதுவே, இறுதி வடிவமாக இருக்கும் எனத் தெரிகிறது.

இதையும் படிக்க: கைவிடப்படும் மார்கோ - 2!