நடிகர் விஜய் நடிக்கும் ஜன நாயகன் படத்தின் புதிய அப்டேட்டை படத் தயாரிப்பு நிறுவனம் வெளியிட்டுள்ளது.

நடிகர் விஜய் நடிப்பில் உருவாகும் 69-வது படமான ஜன நாயகன் திரைப்படத்தை எச். வினோத் இயக்குகிறார்.

ஆக்சன் படமாகவும் அதேநேரம் சமூக பிரச்னையைப் பேசும் படமாகவும் இது உருவாகி வருகிறதாக தகவல்கள் தெரிவிக்கின்றன.

பொங்கல் வெளியீடாக இப்படத்தை 2026-இல் ஜனவரி 9 ஆம் தேதி வெளியிட உள்ளதாகத் தயாரிப்பு நிறுவனம் அதிகாரபூர்வமாக அறிவித்திருந்தது.

விஜய் தனக்கான படப்பிடிப்பை நிறைவு செய்ததாகக் கூறப்படுகிறது. இதுவே அவரின் கடைசி படமென்பதால் ரசிகர்களுக்கு இத்தகவல் சோகத்தை ஏற்படுத்தியுள்ளது.

இந்நிலையில், நடிகர் விஜய்யின் பிறந்த நாளான ஜூன். 22 ஆம் தேதி நள்ளிரவு 12 மணிக்கு படத்தின் கிளிம்ஸ் விடியோ வெளியாகுமென அறிவிக்கப்பட்டுள்ளது.

சமீபத்தில் நடிகை பூஜா ஹெக்டே ஜன நாயகன் படத்தின் படப்பிடிப்பை முடித்தது குறிப்பிடத்தக்கது.

இன்னும் விஜய்யின் படப்பிடிப்பு முடிவடையவில்லை. அடுத்தாண்டு ஜனவரியில் வெளியாகும் என்பதால் படக்குழு நிதானமாகச் செயல்பட்டு வருகிறது.