சின்ன திரை நிகழ்ச்சித் தொகுப்பாளர் மணிமேகலைக்கு பிறந்தநாளையொட்டி நடிகை சிநேகா, வரலட்சுமி சரத்குமார் உள்ளிட்டோர் சிறப்பு பரிசுகளை அளித்து வாழ்த்து தெரிவித்துள்ளனர்.

மற்ற எந்த ஆண்டுகளிலும் இல்லாத வகையில் இந்த ஆண்டு பிறந்தநாளை சிறப்பாகக் கொண்டாடிய டான்ஸ் ஜோடி டான்ஸ் குழுவுக்கு அவர் நன்றி தெரிவித்துள்ளார்.

சின்ன திரை தொகுப்பாளர் மணிமேகலை இன்று பிறந்தநாள் கொண்டாடுகிறார். நகைச்சுவை கலந்து நிகழ்ச்சிகளைத் தொகுத்து வழங்குவதில் தனக்கென தனி பாணியை உருவாக்கிக்கொண்ட மணிமேகலை தற்போது ஜீ தமிழ் தொலைக்காட்சியில் டான்ஸ் ஜோடி டான்ஸ் நிகழ்ச்சியைத் தொகுத்து வழங்கி வருகிறார்.

விஜய் தொலைக்காட்சியின் குக் வித் கோமாளி நிகழ்ச்சியில் இருந்து விலகிய பிறகு, வாழ்க்கையே தொலைந்துவிட்டது என பலர் விமர்சனங்களை எழுப்பிய நிலையில், ஜீ தமிழ் வாய்ப்பை சரியாகப் பயன்படுத்திக்கொண்டுள்ளார் மணிமேகலை.

இன்று தனது பிறந்தநாளைக் கொண்டாடும் மணிமேகலைக்கு நடிகை சிநேகா, பட்டுப் புடவையை பரிசளித்துள்ளார். இதேபோன்று நடிகை வரலட்சுமி சரத்குமார் கண்ணாடியை பரிசளித்து வாழ்த்து தெரிவித்துள்ளார்.

இது குறித்து தனது இன்ஸ்டாகிராம் பக்கத்தில் பதிவிட்டுள்ள மணிமேகலை, எனக்காக நேரம் ஒதுக்கி இப்பொருள்களை வாங்கி என் பிறந்தநாளை சிறப்புடையதாக்கியதற்கு மிக்க நன்றி எனப் பதிவிட்டுள்ளார். இதேபோன்று பிறந்தநாளை பிரமாண்டமாக கொண்டாடிய டான்ஸ் ஜோடி டான்ஸ் குழுவுக்கும் மணிமேகலை நன்றியை பதிவு செய்துள்ளார்.

மணிமேகலைக்கு ரசிகர்கள், பிரபலங்கள் பலர் வாழ்த்து தெரிவித்து வருகின்றனர்.