ஷ்ருதிதான் நிஜ பவழமல்லி!

இசையமைப்பாளர் சாய் அபயங்கர் வெளியிட்ட புதிய விடியோ சமூக வலைதளங்களில் வைரலாகியுள்ளது.

தமிழில் வளர்ந்துவரும் இசையமைப்பாளரான சாய் அபயங்கர் இசையில் தற்போது 6 திரைப்படங்கள் உருவாகி வருகின்றன. இதில், கருப்பு திரைப்படம் மே வெளியீடாகத் திரைக்கு வரவுள்ளது.

மேலும், இயக்குநர் அட்லி திரைப்படத்தின் இசைப்பணிகளையும் கவனித்து வருகிறார்.

சில நாள்களுக்கு முன் பவழமல்லி எனப்பெயரிட்ட தன் 5-வது இசை ஆல்பத்தை வெளியிட்டார். இதில், ஜோடியாக கயாடு லோஹர் நடிக்க, ஷ்ருதி ஹாசனுடன் இணைந்து சாய் பாடியிருந்தார்.

இப்பாடலும் ரசிகர்களிடம் வரவேற்பைப் பெற்றதுடன் 7 கோடி பார்வைகளைக் கடந்து அசத்தியுள்ளது. மேலும், இன்ஸ்டாகிராமில் தென்னிந்தியளவில் வைரலாகி, ரீல்ஸ்களாகவும் டிரண்டிங்கில் இடம்பிடித்தது.

இந்த நிலையில், ஷ்ருதி ஹாசனுடன் இணைந்து பாடிய பாடலை சாய் அபயங்கர் வெளியிட்டுள்ளார். இதில், ஷ்ருதியின் குரலால் பாடலுக்குக் கிடைத்த வரவேற்பையும் அவரது பாடல் தேர்வுகளையும் ரசிகர்கள் பாராட்டி வருகின்றனர்.