புது தில்லி: பெட்ரோல் விலை 74 காசுகளும், டீசல் விலை ரூ. 1.30ம் இன்று நள்ளிரவு முதல் குறைக்கப்படுகிறது. இந்த விலைக் குறைப்பு இன்று நள்ளிரவு முதல் அமலுக்கு வருகிறது.

சர்வதேச அளவில் கச்சா எண்ணெய் விலை நிலவரத்துக்கு ஏற்ப நம் நாட்டில் ஒவ்வொரு மாதமும் பெட்ரோல், டீசல் விலை இரு முறை மாற்றியமைக்கப்பட்டு வருகிறது.

இதன்படி எண்ணெய் நிறுவனங்கள் இன்று வெளியிட்டுள்ள அறிக்கையில் பெட்ரோல் விலையை 74 காசுகளும், டீசல் விலையை ரூ.1.30ம் குறைப்பதாக அறிவித்துள்ளன.

இம்மாத தொடக்கத்தில் பெட்ரோல் விலை லிட்டருக்கு ரூ.2.19-ம், டீசல் விலை லிட்டருக்கு 98 காசுகளும் உயர்த்தப்பட்டன.