கர்நாடக சட்டப்பேரவைத் தேர்தலுக்கான அதிகாரப்பூர்வ அறிவிக்கை வெளியிடப்பட்டு, வேட்பு மனு தாக்கல் செவ்வாய்க்கிழமை (ஏப்ரல் 17) தொடங்குகிறது. 
கர்நாடக சட்டப்பேரவை தேர்தலுக்கான வாக்குப் பதிவு மே 12-இல் நடைபெறவுள்ளது. இந்த நிலையில், தேர்தலுக்கான அதிகாரப்பூர்வ அறிவிக்கை செவ்வாய்க்கிழமை வெளியிடப்படுகிறது. 
தேர்தலில் போட்டியிடுவதற்கான வேட்புமனு தாக்கல் தொடங்குகிறது. வேட்புமனுக்களைத் தாக்கல் செய்ய ஏப்ரல் 24-ஆம் தேதி கடைசி நாளாகும். மனுக்கள் மீதான பரிசீலனை ஏப்ரல் 25-இல் நடக்கிறது. வேட்பு மனுக்களைத் திரும்பப் பெற 27-ஆம் தேதியும் கடைசி நாளாகும்.
வேட்பாளர் பட்டியல்: முக்கிய அரசியல் கட்சிகள் தங்களது வேட்பாளர்கள் பட்டியலை வெளியிட்டுவருகின்றன. மொத்தமுள்ள 224 தொகுதிகளில் பாஜக 154, காங்கிரஸ் 218, மஜத 126 வேட்பாளர்களுக்கான பட்டியலை வெளியிட்டுள்ளன. மூன்று கட்சிகளும் பெரும்பாலான எம்எல்ஏக்களுக்கே தேர்தலில் மீண்டும் போட்டியிட வாய்ப்பு அளித்துள்ளது குறிப்பிடத்தக்கது.