மணமகன் தேடாததால் வட்டியுடன் கூடிய பதிவுக்கட்டணம் திருப்பிச் செலுத்த உத்தரவிட்ட நீதிமன்றம்

மணமகன் தேட முடியாத காரணத்தால் பதிவுக் கட்டணத்தை வட்டியுடன் திருப்பிச் செல்ல மேட்ரிமோனி இணையதளத்துக்கு நுகர்வோர் நீதிமன்றம் உத்தரவிட்டது.

மருத்துவம் படித்துள்ள தனது மகளுக்கு நிகரான மணமகனை தேடுவதற்காக அப்பெண்ணின் தந்தை இலைட் மேட்ரிமோனி எனும் இணையதளத்தில் பதிவு செய்தார். இதற்காக பதிவுக் கட்டணமாக ரூ. 55 ஆயிரம் செலுத்தியிருந்தார். 

ஆனால், ஆதி கன்னடர் பிரிவில் அவர்கள் நிபந்தனைகளின் அடிப்படையில் மணமகன் கிடைக்கவில்லை என அந்த மேட்ரிமோனி இணையதளம் தெரிவித்துவிட்டது. இதையடுத்து அப்பெண்ணின் தந்தை பெங்களூரு நிகர்வோர் நீதிமன்றத்தில் புகார் அளித்தார்.

எஸ்.எல்.பாடீல், பி.கே.சாந்தா ஆகியோர் அடங்கிய நீதிமன்ற அமர்வு தலைமையில் விசாரணை நடைபெற்றது. இதையடுத்து பதிவுக் கட்டணம் ரூ. 55 ஆயிரம் மற்றும் அதற்கான 6 சதவீத வட்டி, ரூ.5 ஆயிரம் இழப்பீட்டுத் தொகை, ரூ. 2 ஆயிரம் வழக்குக் கட்டணம் ஆகியவற்றை அந்த பெண்ணின் தந்தையிடம் வழங்க வேண்டும் என மேட்ரிமோனி இணையதளத்துக்கு உத்தரவிட்டனர்.