ரேபரேலி, அமேதி சிறந்த இந்தியாவுக்கு வழிவகுக்கும்: ராபர்ட் வதேரா

ரேபரேலி மற்றும் அமேதி ஆகிய தொகுதிகள் சிறந்த இந்தியாவுக்கு வழிவகுக்கும் என்று சோனியாவின் மருமகன் ராபர்ட் வதேரா திங்கள்கிழமை தெரிவித்தார். இதுதொடர்பாக அவர் கூறியதாவது:

ரேபரேலி மற்றும் அமேதி தொகுதி வாக்காளர்கள் அனைவரும் நிச்சயம் வாக்களிக்க வேண்டும். ஏனென்றால் இங்கிருந்து தான் சிறந்த இந்தியாவுக்கான வழி ஏற்படப்போகிறது. உண்மையான வளர்ச்சிக்காக எங்கள் குடும்பமாகிய இத்தொகுதிகளின் வாக்காளர்கள் அனைவரும் நிச்சயம் வாக்களிப்பார்கள் என்ற நம்பிக்கை எனக்கு உள்ளது.

நாடு முழுவதும் ஏற்பட்டுள்ள எதிர்மறையை வீழ்த்தும் விதமாக மாற்றத்தை உருவாக்க வாக்களிக்க வேண்டும். காங்கிரஸ் தலைவர் ராகுல் மற்றும் ஐக்கிய முற்போக்குக் கூட்டணித் தலைவரும், எனது மாமியாருமான சோனியா ஆகியோருக்கு எனது வாழ்த்தினை தெரிவித்துக்கொள்கிறேன் என்றார்.