மேற்குவங்கத்தில் மற்றுமொரு திரிணாமூல் எம்எல்ஏவும் பாஜகவில் இணைந்தார்

புது தில்லி: மேற்கு வங்க மாநிலத்தில் திரிணாமூல் காங்கிரஸ் கட்சியைச் சேர்ந்த 3 எம்எல்ஏக்கள், 50 கவுன்சிலர்கள் நேற்று பாஜகவில் இணைந்த நிலையில் இன்று மற்றுமொரு எம்எல்ஏவும் பாஜகவில் இணைந்துள்ளார்.

பிரதமர் நரேந்திர மோடியின் அனைவரும் இணைந்து, அனைவருக்குமான மேம்பாடு, அனைவரின் நம்பிக்கையோடு என்ற கோஷத்தின்பால் ஈர்க்கப்பட்டு, திரிணாமூல் காங்கிரஸ் கட்சியைச் சேர்ந்த முஸ்லிம் எம்எல்ஏ பாஜகவில் இணைந்திருப்பதாக அக்கட்சி, எம்எல்ஏக்களின் கட்சித் தாவல்களை நியாயப்படுத்துகிறது.

திரிணாமூல் காங்கிரஸ் எம்எல்ஏ மணிருல் இஸ்லாமுடன், ஏராளமான கட்சித் தொண்டர்களும், பாஜக தலைவர்கள் முகுல் ராய், கைலாஷ் விஜய்வர்கியா முன்னிலையில் இன்று பாஜகவில் இணைந்துள்ளனர்.